தேவையான பொருட்கள்

அன்னாசிப்பழம் – 1(சிறுசிறு துண்டுகளாக நறுக்கியது)

குளிர்ந்த தண்ணீர் –1 கப்

சர்க்கரை அல்லது தேன் – 1 முதல் 2 டேபிள்ஸ்பூன் (விருப்பம்)

எலுமிச்சைச் சாறு – 1 டீஸ்பூன்

ஐஸ் கட்டிகள் – தேவையான அளவு

புதினா இலை – சிறிதளவு (அலங்கரிக்க)

பால் தேவைப்படுவோர் சேர்க்கலாம். திக்காக வரும்.

செய்முறை

அன்னாசிப்பழத் துண்டுகளை மிக்ஸி ஜாரில் போடவும். நன்றாக மசித்திட, அதனுடன் தண்ணீர், சர்க்கரை (அல்லது தேன்) சேர்த்து நன்றாக கட்டி இல்லாத வகையில் அரைக்கவும்.

தேவையெனில் வடிகட்டி ஜூஸை எடுக்கலாம்.

எலுமிச்சைச் சாறு சேர்த்து நன்றாக கலக்கவும்.

டம்ளரில் ஐஸ் கட்டிகளை போட்டு ஜூஸை ஊற்றவும்.

புதினா இலை வைத்து அலங்கரித்து குளிர்ச்சியாக பரிமாறவும்.(நான் அலங்கரிக்கலைப்பா)

அண்ணாச்சி பழத்தின் நன்மைகள்

* வைட்டமின் C நிறைந்தது.

*நோய் எதிர்ப்பு சக்தியை மேம்படுத்த உதவுகிறது.

* செரிமானத்திற்கு உதவக்கூடிய பிரோமேலின் (Bromelain) எனும் இயற்கை நொதி இதில் உள்ளது.

 எங்க வீட்ல இதை செய்வேன். வடிக்கட்டிய நார்சத்தை சர்க்கரை சேர்த்து அல்வா தயாரிப்பேன். அண்ணாச்சி சிறிதளவு கூட வேஸ்ட் ஆகாது. 

தேவையான பொருட்கள்

பீட்ரூட் – 1 (நடுத்தர அளவு)

இஞ்சி – ½ அங்குலம்

எலுமிச்சைச் சாறு – 1 டேபிள்ஸ்பூன்

தேன் – 1 டீஸ்பூன் (விருப்பம்)

குளிர்ந்த தண்ணீர் – 1 கப் (பால் வேண்டுமென்றால்) 

ஐஸ் கட்டிகள் – தேவையான அளவு

சர்க்கரை (தேவைப்படுவோருக்கு தேன் சேர்க்காமல் சர்க்கை சேர்க்கலாம்.)

செய்முறை

பீட்ரூட்டை நன்றாக கழுவி தோலை நீக்கி சிறிய துண்டு துண்டுகளாக நறுக்கவும்.

மிக்ஸி ஜாரில் பீட்ரூட், இஞ்சி மற்றும் குளிர்ந்த தண்ணீர் சேர்த்து நன்றாக அரைக்கவும்.

அரைத்த கலவையை வடிகட்டியில் வடிகட்டவும். (நார்ச்சத்து பிடிக்கும் என்பவர் அப்படியே வேண்டுமென்றால் வடிகட்டாமல் குடிக்கலாம்.)

எலுமிச்சைச் சாறு மற்றும் தேன் சேர்த்து நன்றாக கலக்கவும்.

ஐஸ் கட்டிகள் சேர்த்து உடனே பரிமாறவும்

குறிப்புகள்:

காலை நேரத்தில் வெறும் வயிற்றில் குடித்தால் புத்துணர்ச்சி கிடைக்கும்.

இனிப்பு அதிகம் சர்க்கரை சேர்த்துக்கொள்ளலாம். மேலும் பாலை கலந்துக் கொள்ளலாம். 

எலுமிச்சைச் சாறு கடைசியில் சேர்ப்பதால் சுவையும் நிறமும் மேலும் நன்றாக இருக்கும்.

பீட்ரூட் ஜூஸின் நன்மைகள்:

*இரும்புச்சத்து நிறைந்தது.

*ஹீமோகுளோபின் அளவை மேம்படுத்த உதவுகிறது.